پیپلزپارٹی کے رہنمااور سابق اپوزیشن لیڈر خورشید شاہ نے کہاہےکہ قومی اسمبلی میں عمران خان کی پہلی تقریر سے بہت مایوسی ہوئی ہے۔
اسلام آباد میں میڈیا سے گفتگو کرتےہوئے خورشید شاہ کا کہنا ہے کہ ان کی تقریر سےایسا لگا کہ جیسے ان کی تربیت لالو پرساد نے کی ہو۔ انہوں نے مزید کہا کہ ایوان کا ماحول ٹھیک کرنا حکومت کی ذمہ داری ہوتی ہے، عمران خان کی تقریر وزیراعظم کی تقریر نہیں تھی، تقریر سے لگا کہ وہ بھاٹی چوک میں جلسہ کر رہے ہیں ، امید نہیں تھی کہ وہ اتنی غیر ذمہ داری کا مظاہرہ کریں گے۔
خورشید شاہ نے یہ بھی کہا کہ عمران خان نے اپنی تقریر میں دھمکیاں دیں اور کنٹینر کی ترغیب دی، اگر یہ نیا پاکستان ہے تو پھر اللہ رحم کرے،وہ قائد اعظم کو اپنا آئیڈیل کہتے ہیں لیکن ان سے انہوں نے کچھ نہیں سیکھاہے۔بشکریہ روزنامہ جنگ