لاہور کے علاقے کاہنہ کے قریب دو میٹرو بسیں ٹکرا گئیں جس کے نتیجے میں 10 افراد زخمی ہوگئے جبکہ 2 کی حالت تشویشناک ہے۔ ذرائع کے مطابق لاہور کے علاقے کاہنہ میں گجومتہ کے قریب دو میٹرو بسیں آپس میں ٹکرا گئیں، حادثے میں 10 مسافر زخمی ہوگئے جبکہ خاتون سمیت 2 کی حالت تشویشناک ہے۔
ریسکیو ذرائع کا کہنا ہے کہ زخمیوں کو مقامی اسپتال منتقل کردیا گیاہے۔ حادثےکی جگہ ریسکیو کی 10 گاڑیاں اور 40 اہلکارامدادی کارروائیوں میں مصروف ہیں۔
حادثے کے بعد میٹرو بس سروس معطل کردی گئی ہے۔بشکریہ روزنامہ جنگ
