نواز شریف کیخلاف آرٹیکل 6 کے تحت کارروائی کی جائے عمران خان

0
509

تحریک انصاف کے سربراہ عمران خان نے حالیہ ملکی صورتحال میں وزیراعظم شاہد خاقان عباسی ،وزیر اعلیٰ پنجاب شہبازشریف کے استعفیٰ کا مطالبہ کردیااور کہا کہ نوازشریف کا نام فوری طور پر ای سی ایل میں ڈال کر ان کے خلاف آرٹیکل 6 کے تحت کارروائی کی جائے
اسلام آباد میں پریس کانفرنس کے دوران عمران خان نے کہا کہ بھارت اور اسرائیلی لابی مغرب میں اکٹھے آپریٹ کرتے ہیں، نوازشریف نے صحافی کو خصوصی طور پر ملتان بلاکر انٹرویو دیا ہے ، اسے درست سیاق و سباق میں دیکھنا ہوگا۔
انہوں نے مزید کہا کہ نوازشریف بین الاقوامی اسٹیبلشمنٹ سے مجھے بچائوکی اپیل کررہا ہے ،بھارت پاکستان کو تنہا کرنے کےلئے کوشاں ہے سب کو سمجھنا ہوگا کہ یہ گیم کیوں بنایا گیا ۔پی ٹی آئی سربراہ کا کہناتھاکہ نوازشریف کے بیان سے بھارت کو فائدہ ہوا ،برکھادت نے کتاب میں لکھا ہے کہ کٹھمنڈو میں نوازشریف اور نریندمودی چھپ کر ملے ،یہ ملاقات سابق وزیراعظم کے دوست جندل نے کرائی ۔
عمران خان نے یہ بھی کہاکہ بھارتی میڈیا میں یہ تاثر دیا گیا کہ یہاں سب کچھ فوج کرارہی ہے ،بھارت الزام لگاتا ہے کہ پاکستان اپنے لوگ کشمیر میں بھیجتا ہے ،وہ کشمیریوں کو بھڑکاتا ہے ،ڈان لیکس میں یہ سب کچھ کہا گیا تھا ،فوج پر الزام لگایا گیا ،کوئی شک نہیں پاک فوج کو کمزور کرنے کی سازش ہورہی ہے ۔
انہوں نے کہا کہ نوازشریف نے پاناما پیپر کے آنے کے بعد صرف دو سوالوں کا جواب دینا تھا ، پیسہ کہا ں سے آیا اور ملک سے باہر کیسے گیا ،وہ ان کا جواب نہ دے سکے تو فوج اور عدلیہ پر حملے شروع کردیے ۔بشکریہ روزنامہ جنگ

LEAVE A REPLY

Please enter your comment!
Please enter your name here