حکومت بلوچستان کے ترجمان لیاقت شاہوانی نے کہا ہے کہ بلوچستان میں اس وقت کورونا کے 150 مریض ہسپتالوں کے اندر زیر علاج ہیں جن میں سے 50 کی حالت تشویشناک ہے۔ تاہم یہ مریض وینٹیلیٹرز پر نہیں ہیں۔کوئٹہ میں ایک پریس کانفرنس سے خطاب کرتے ہوئے ان کا کہنا تھا کہ متاثرین میں اضافے سے ظاہر ہے کہ کورونا بلوچستان میں تیزی سے پھیل رہا ہے۔ان کا کہنا تھا کہ یہ امر افسوسناک ہے جو ایس او پیز لوگوں کے اپنے فائدے کے لیے بنائے گئے ہیں وہ ان پر عملدرآمد نہیں کررہے ہیں۔یاقت شاہوانی کا کہنا تھا کہ جب تک لوگ تعاون نہیں کریں گے اس وقت تک کورونا کے خلاف جنگ میں کامیابی ممکن نہیں ہوگی۔ترجمان کا کہنا تھا کہ بلوچستان میں کورونا وائرس سے صحتیاب افراد کی شرح میں بھی تیزی سے اضافہ ہورہا جو کہ خوش آئند ہے۔ بشکریہ بی بی سی اردو