پاکستانی نژاد برطانوی باکسر عامر خان نے لیور پول میں کینیڈا کے فل لو گریکو کو پہلے ہی راؤنڈ میں ناک آؤٹ کرکے مقابلہ جیت لیا۔
کینیڈین کھلاڑی عامر خان سے مقابلے کے دوران قابل ذکر مزاحمت نہ کرسکے اور باآسانی فائٹ ہار گئے۔عامرخان اب تک 35 فائٹ لڑ چکے ہیں ، جن میں سے 31 میں انہیں کامیابی ملی ہے۔ باکسرعامرخان کا کہنا ہے کہ چاہتاہوں کہ باکسنگ اسٹیڈیم مکمل بھرے ہوئے ہوں، رنگ میں اسی لیے واپس آیا ہوں کہ آپ کو بتاسکوں کہ عامر خان کیا ہے؟ انہوں نے کہا کہ مستقبل میں مزید بڑے مقابلے ہونےہیں۔شکریہ روز نامہ جنگ
