مسلم لیگ نون کے رہنما احسن اقبال کہتے ہیں کہ ایف آئی اے سے منسوب رپورٹ کے مطابق پاکستان کے تمام بینکوں کا ڈیٹا ہیک کرلیا گیا ہے، جس سے کروڑوں لوگوں کے بینکوں میں موجود اکاؤنٹ غیرمحفوظ ہوگئے۔
احسن اقبال نے قومی اسمبلی میں اظہار خیال کرتے ہوئے کہا ہے کہ ایف آئی اے سے منسوب رپورٹ کے مطابق پاکستان کے تمام بینکوں کا ڈیٹا ہیک کرنے کا معاملہ خطرناک ہے اورقومی سطح پراس کے مضمرات ہیں۔ انہوں نے وزیرخزانہ سے بینکوں کا ڈیٹا ہیک ہونے کے معاملے پرایوان کواعتماد میں لینے کا مطالبہ کرتے ہوئے کہا کہ کروڑوں لوگ کے بینکوں میں کھاتے ہیں اوران سب کے اکاؤنٹ بھی غیرمحفوظ ہیں۔ واضح رہے کہ ایف آئی اے کی جانب سے اس بات کا انکشاف کیا گیا ہے کہ پاکستان کے بیشتر بینکوں کا ڈیٹا ہیک ہو گیا ہے۔
اس حوالے سے ڈائریکٹر ایف آئی اے سائبر کرائمز ونگ کیپٹن ریٹائرڈ محمد شعیب کا کہنا ہے کہ پاکستان کے زیادہ تر بینکوں کا ڈیٹا ہیک کر لیا گیا ہے۔بشکریہ روزنامہ جنگ