چیئرمین پیپلزپارٹی بلاول بھٹو زرداری نے کہا کہ انہیں توقع تھی کہ آج وزیراعظم ایوان کو اعتماد میں لیں گے،اگروزیراعظم یہاں ہوتے تو ان کو کہتاقدم بڑھائيں عمران خان صاحب ہم آپ کے ساتھ ہيں۔ قومی اسمبلی میں خطاب کرتے ہوئے انہوں نے کہا کہ ہم جمہوریت ، پارلیمنٹ اور قانون کی حکمرانی کے ساتھ ہیں ،یہ اتفاق رائے پیدا کرنے کا وقت ہے ،ہم کسی سانحے کے متحمل نہيں ہوسکتے۔
بلاول زرداری نے کہا کہ پاکستان جل رہا ہے اور وزیراعظم پارلیمنٹ سے غائب ہیں ، عمران خان تو آئے نہیں مگر بدقسمتی سے یہاں وزیرتعلیم کا لیکچر سننے کو ملا۔
ان کا کہنا ہے کہ ضرورت ہے وزیراعظم اور وزیر داخلہ اپنی ذمےداری کریں۔
بلاول بھٹو زرداری نے کہا کہ بتایا جائے امن و امان اور ججز کے تحفظ کے لیے کیا اقدامات کیے گئے ہیں ،انہیں کسی سوال کا جواب نہیں دیا گیا۔بشکریہ روزنامہ جنگ
