سٹّے بازوں کا پاکستانی کرکٹر سے رابطہ

0
450
سٹّے بازوں کا پاکستانی
سٹّے بازوں کا پاکستانی

پاکستان کرکٹ ٹیم کے ایک انتہائی اہم کھلاڑی سے سری لنکا کے خلاف جاری ون ڈے سیریز کے دوران مبینہ طور پر سٹّے بازوں نے رابطہ کرکے سپاٹ فکسنگ کی پیشکش کی ہے۔

قومی ٹیم کے ذرائع کے مطابق سٹے بازوں کی جانب سے رابطے کی اطلاع اس کھلاڑی نے فوری طور پر ٹیم منیجمنٹ اور پاکستان کرکٹ بورڈ کے اینٹی کرپشن یونٹ کو دے دی تھی۔

بولنگ کا حساب دان حسن علی

سپاٹ فکسنگ سکینڈل میں خالد لطیف پر 5 سال کی پابندی

ذرائع نے شارجہ میں بی بی سی کے استفسار پر اس بات کی تصدیق کی کہ مذکورہ کھلاڑی سے ابوظہبی میں کھیلے گئے دوسرے ون ڈے انٹرنیشنل کے موقع پر ایک مشکوک شخص نے رابطہ کیا تھا لیکن اس کھلاڑی نے اس رابطے کی فوری رپورٹ کر دی تھی۔

پاکستانی کرکٹ ٹیم کے ذرائع کا یہ بھی کہنا ہے کہ جس شخص نے کرکٹر سے رابطہ کیا ہے وہ متحدہ عرب امارات کا مقامی ہے۔

واضح رہے کہ پاکستان سپر لیگ کے دوران سپاٹ فکسنگ سکینڈل سامنے آیا تھا جس میں ملوث دو کرکٹرز شرجیل خان اور خالد لطیف پر پابندی عائد کی جاچکی ہے۔

سری لنکا کے خلاف ون ڈے سیریز کے دوران بھی پاکستانی کرکٹ ٹیم کے ساتھ سکیورٹی افسر کرنل خالد موجود ہیں۔

#Source by BBC URDU

LEAVE A REPLY

Please enter your comment!
Please enter your name here