وزیر دفاع خواجہ آصف نے کہا ہے کہ گزشتہ ڈیڑھ برس میں ساڑھے 4 لاکھ افغانی پاکستان میں داخل ہوئے جو اب تک واپس نہیں گئے۔قومی اسمبلی میں اظہار خیال کرتے ہوئے خواجہ آصف نے سرکاری اعداد و شمار پیش کیے اور بتایا کہ ڈیڑھ برس میں ساڑھے4 لاکھ افغانی پاکستان میں داخل ہوئے، جو واپس نہیں گئے۔ نہوں نے کہا کہ ہمیں نہیں معلوم ان میں سے کون دہشت گرد ہے اور کون نہیں۔وزیر دفاع نے مزید کہا کہ امریکی انخلا کے بعد پاکستان سے ڈالروں کی بوریاں بھر بھر کر افغانستان منتقل کی گئیں۔ان کا کہنا تھا کہ افغانستان نے دوحا معاہدے میں لکھ کر دیا ہوا ہے کہ ان کی سرزمین کسی ملک کے خلاف دہشت گردی کےلیے استعمال نہیں ہو گی۔خواجہ آصف نے یہ بھی کہا کہ اس کے باوجود افغانستان کی سرزمین سے اور پاکستان میں ہمارے خلاف جو کچھ ہو رہا ہے اس سے صرفِ نظر کیا جا رہا ہے۔
