وفاقی وزیر اور متحدہ قومی موومنٹ پاکستان کےکنوینر خالد مقبول صدیقی نے کہا ہے کہ بلدیاتی ضمنی انتخابات نے عام انتخابات کے نتائج پر سوالیہ نشان لگادیا ہے۔پارٹی رہنمائوں کے ہمراہ پریس کانفرنس سے خطاب میں خالد مقبول صدیقی نے کراچی ، حیدرآباداور میر پور خاص میں کلین سوئپ کرنے کا دعویٰ کیا ۔ انہوں نے کہا کہ سندھ کے شہری علاقوں میں ایم کیوایم کی مقبولیت کا منظر 24 جولائی سے پہلے والا ہے،آج کے نتائج نے بتایا کہ یہاں کا مینڈیٹ کس کے پاس ہے۔خالد مقبول صدیقی نے مزید کہا کہ متحدہ کو دو گنا ووٹوں سے کامیابی ملی ، خدا کا صد شکر جس نے ہماری لاج رکھی ،عوام کے اعتماد پر شکر گزار ہیں۔بشکریہ روزنامہ جنگ
