پنجاب اسمبلی میں اوکاڑہ سے نومنتخب آزاد رکن اور چیئرمین پی سی بی نجم سیٹھی کی اہلیہ جگنو محسن کہتی ہیں کہ وہ جوڑ توڑ کا حصہ نہیں بنیں گی، پی ٹی آئی جیتے یا ن لیگ وہ جیتنے والی جماعت کو اعتماد کا ووٹ دیں گی ۔
پنجاب اسمبلی میں آزاد حیثیت برقرار رکھنے والی نومنتخب رکن جگنو محسن اسمبلی کے احاطے میں میڈیا سے گفتگو کر رہی تھیں۔ انہوں نے کہا کہ پنجاب اسمبلی آنا اعزاز کی بات ہے، وہ پی پی 184 اوکاڑہ کے ووٹرز کا شکریہ ادا کرتی ہیں جن کی وجہ سے اسمبلی پہنچیں۔
جگنو محسن کا کہنا تھا کہ وہ قانون سازی کے ذریعے عوام کے حقوق کا تحفظ کریں گی، وہ حلقے کی جمہوری رائے کا احترام کرتی ہیں، حلقے کے لوگوں نے انہیں کہا ہے کہ جوڑ توڑ کا حصہ نہیں بننا۔
بشکریہ روزنامہ جنگ
