نگراں وزیرِ اعلیٰ خیبر پختون خوا اعظم خان انتقال کر گئے

0
128

نگراں وزیرِ اعلیٰ خیبر پختون خوا اعظم خان انتقال کر گئے
نگراں وزیرِ اعلیٰ خیبر پختون خوا اعظم خان کو ڈائریا کی شکایت پر طبیعت زیادہ خراب ہونے کے باعث گزشتہ شب پشاور میں حیات آباد میڈیکل کمپلیکس لایا گیا تھا جہاں آج ان کا انتقال ہو گیا۔
مرحوم اعظم خان کی نمازِ جنازہ آج دوپہر 3 بجے ان کے آبائی علاقے چارسدہ میں ادا کی جائے گی۔
اعظم خان ریٹائرڈ بیوروکریٹ تھے، انہوں نے اسسٹنٹ کمشنر اور کمشنر کے عہدوں پر بھی کام کیا تھا اور وہ چیف سیکریٹری اور مختلف وزارتوں کے سیکریٹری کے طور پر بھی خدمات انجام دے چکے ہیں۔
اعظم خان نے پشاور یونیورسٹی سے قانون کی تعلیم حاصل کی تھی۔
یاد رہے کہ خیبر پختون خوا کی حکومت کے خاتمے کے بعد اپوزیشن لیڈر کی جانب سے اعظم خان کا نام پیش کیا گیا تھا اور جب یہ نام سابق وزیراعلیٰ محمود خان کے سامنے رکھا گیا تھا تو انہوں نے فوری طور پر اعظم خان کو نگران وزیراعلیٰ خیبر پختون خوا تعینات کرنے کی منظوری دیدی تھی۔

LEAVE A REPLY

Please enter your comment!
Please enter your name here